Todesfall Aktivmitglied

Würdigung Natur- und Vogelschutzverein Wasen

Abschied von unserem Aktivmitglied Heinz Tenger

geb. 26. Januar 1963, gest. 9. Januar 2026

Liebe Heinz

Vor 14 Johr bisch du aus Aktivmitglied em Natur- und Voguschutzverein Wase biträte.

Tatkräftig u pflichtbewusst hesch du i au dene Johre bi de wichtige Isätz u

Exkursione mitgmacht. We Not am Ma isch gsi, so hei mir immer uf di chönne

zeue. Jedes vo üs het gwüsst, we dr Heinz do isch, so simer komplett u chöi

iz zäme a d’Arbeit.

O im letschte Johr, kurz na dire Operation bisch du voller Tatedrang wieder

im Isatz gsi. Hie ar Chiuche Sumiswaud hesch du bi de Kärnbohrige für

d’Iflugslöcher vo de Aupesägler mitghuufe.

Zäme mit üsne Vereinsmitglieder hei mir am Bättagsamschti ir

Naturfründehütte üses nöie Vereinsheftli “Waudchutz” touft, wo mir die aus

Götti bestumme hei.

Ab Novämber bisch du jede Donnstiobe cho Schwaubenäschter boue. U mit

dr Schwaube- u Säglergruppe hei mir no e gmüetlechi Wiehnachtsfiir erläbt.

Du hesch nie klagt u gjammeret über dini Gsundheit u bisch fürs Johr 2026

voller Zueversicht gsi. U wo mir üs verabschiedet hei, hesch du mir e Kerze

mitemene Gedicht gschänkt. E Kerze, wo für vieli Mönsche e dunkle Ruum

erhäut.

Di letscht zwöi Mou im Näschterbou u o letschte Samschti am Heckeisatz

bisch du nümme unger üs gsi.

Du fäusch – u ersch denn wird eim bewusst, was du aues gleischtet hesch.

Liebe Heinz, im Name vom NVW danke i dir für dini Hiufsbereitschaft u für di

schöne Stunge, wo mir mit dir hei dörfe erläbe.

Rue i Friede!

Natur- und Vogelschutzverein Wasen

Präsident Martin Leuenberger